![Фото Ержана Сарбасова](https://pp.userapi.com/HnDXZID-SDmaVYd91lIag6dSg1lsaXuGBxzR6w/7oh8V3B731U.png)
Страница Ержана Сарбасова
Страна: Казахстан
Имя: Ержан
Фамилия: Сарбасов
Пол: мужской
Дата рождения: 5 октября 2006
Возраст:17 лет
Статус: Сабырмен және намазбен тілек тілеңдер !
Последняя запись на стене: Құстар хиқаясы
(Болған оқиға желісімен )
Біссіміллә сөз басы Алқаға ойды тастайын
Ұлықсат болса әлеумет
Жаңа бір өлең бастайын.
Мен бір мысал айтайын
Демеспін оны күлмекке
Ғибрат алып өзінше
Ойланып әркім жүрмекке.
Мекен болған талайға
Қалың бір тоғай бар еді
Талай құстар тұрақтап
Мәуелі жерде қап еді.
Бірлікте болған құстарға
Патша болды лашын
Ірікті салса араға
Сайтанға нәмә қыласың.
Әзәзілдің бірі еді
Ала қанат сауысқан
Қатарға келіп қосылды
Тапқаннан соң ылажын.
Сырты қандай болса оның
Іші де сондай ала еді
Патша болмақ тоғайға
Арам ойы бар еді.
Ертелі- кеш шықылдап
Тоғайдың алды мазасын
Лашынға өсек тасыды
Сөздің алмай тазасын.
Лашында текті құс екен
Өсекке құлақ аспады
Төбесінен бір шоқып
Сыпсыңды тыйып тастады.
Сауысқан ешбір қоймады
Тыным таппай тілі де
Жағымпаздыққа тоймады
Дөкей болмақ тірі де.
Ұшып жүріп бір күні
Қарғаны іздеп табады
Өлексе жеген тұмсықтан
Жақсылап тұрып «жалады».
Оған да керегі сол екен
Өзіне ұнап барады
Сауысқанға анықтап
Құзғыни көзбен қарады.
«Бұйымтайың болса егер
Ойланбағын айта бер
Бүркіт апам тұрғанда
Мына бізден пайда көр».
Деген соң қарға лепіріп
Сауысқан кетті көпіріп
Қожайын болсаң тоғайға
Қарға жан сізге болмай ма?
Сауысқанның бұл сөзі
Құзғынға ұнап, құп көрді
Шалалық бар қанында
Бүркітке барып жүгінді.
Бүркіт апа аман ба?
Толағайдай тұлғаңыз
Әділдігіңіз әп- сәтте
Шартарапқа болды аңыз.
Өзіңізге сыйынып
Үлкен бір іспен келіп ек
Құлақ салып көріңіз
Қиянатшыл ортаға
Әділдігін беріңіз.
Жақын маңда тоғай бар
Ылашан еді сұлтаны
Жасы келіп отса да
Сән салтанат құрғаны.
Қанша кәрі болса да
Ешкімге бас имеген
Ешкім оған тимеген
Ешкімге барып жүгініп
Ешкімнің қолын сүймеген
Тураны айтқан құстарды
Тұмсығымен түйреген
Шыншылдық жоқ ортада
Әділеттік күйреген.
Екеуі тұрып сыпсыңдап
Әзәзілдей азғырды
Жазықсызды жазғырды
Лашынның еткен еңбегін
Былш еткізіп сазға ұрды.
Бұйрық беріп тездетіп
Лашын құсты шеттетіп
Билікті алып берсеңіз
Біздерді сынап көрсеңіз.
Билік құрсақ сол жерге
Ақиқатты жақтар-ек
Жылы-жұмсақ тәттіні
Өзіңізге сақтар –ек.
Сөздерін естіп екеудің
Бүркіттің ойы бұзылды
«Құртыңдар» деп лашынды
Бүркіт апай қызынды.
Лашын естіп пәрменді
Ұшып кетті алысқа
Туған тоғай қалды енді
Сағымдай болып алыста.
Пәрменімен бүркіттің
Лашын кетті ығысып
Биліктен қадір кеткен соң
Көрмеді ешбір тырысып.
Естімеген елде көп
Талай жағдай болғанды
Көрмеппіз ешбір бұрынды
Қарғаны басшы қойғанды.
Тоғайдың келіп тағына
Құзғын қарға жайғасты
Сауысқан мен екеуі
Билік жайын ойласты.
Тоғайға қарға жар салды
Сауысқан менің оң қолым
Бір сөз шықса аузынан
Сөзім деп тыңда ол менің.
Тоғайға әмір болған соң
Сауысқан болды оң қолы
Қарға берді жарлықты
Тоқтатар енді кім оны.
Тоғайға жарлық жайылды
Үлкен- кіші бәріне
Қарға менен Сауысқан
Жаңа мінді кәріне.
Жиып барлық құстарды
Қарға тұрып сөйледі
Сөйлегенде бүйдеді.
Мына тұрған сауысқан
Билікке жаңа ауысқан
Тоғайдың ішін аралап
Ой- шұқырды тауысқан .
Сондықтан бұның айтқаны
Біліңдер менің айтқаным
Бұған қарсы болсаңдар
Маған қарсы болғаның.
Маған қарсы шыққаның
Бүркіттің сөзін бұзғаның
Бүкеңе қарсы шыққаның
Басыңа бәле тапқаның.
Жақсылап құстар танысты
Жаңа болған басшымен
Күбірлесіп өзді-өзді
Бұ немене деп қалысты.
Тоғайдан кетті тыныштық
Сауысқан салды бүлікті
Сеніп алып қарғаға
Алшаң басып жүріпті.
Құстарда маза қалмады
Бұлбұлда әнге салмады
Қарға менен сауысқан
Құстардың бәрін жалмады.
Сауысқанның жұмысы
Сөз тасу болды қарғаға
Бермесе сәлем біреуі
Екеуі алар ортаға.
Қашанғы дәурен сүрерсің
Нәубет келер бір күні
Ешбірі саған жүгіріп
Көмекке келмес ол күні.
Қыран деп басшы қойғаны
Қара құс болды масқара
Жаңа бүркіт келген соң
Бұрынғыға ас бар ма?
Қара құс жайын тапқан соң
Қарға кетті қаңғырып
Бар күшімен қарқ етті
Тоғай кетті жаңғырып.
Сауысқан естіп қарқылды,
Қол аяғы тартылды
Көк жиегі кең дүние
Аяқ асты тарылды.
Көзінің алды қарайып
Жүруге болмай дәрмені
Қайғы кетті молайып
Мұң боп басты кеудені.
Жан тәнімен ұмтылды
Шықпақ боп тоғай шетіне
Әрбір құсқа тұтылды
Таяқ тиді етіне .
Анау келіп шұқыды,
Мынау келіп шұқыды
Енді қайтсын шұқымай?
Кезінде бұл да құтырды.
Бейшара сауысқан қансырап
Зорға жүріп келеді
Тәтті екен жан бірақ
Өмір сүргісі келеді.
Сынған қанат, аяғы
Сүйеуге жоқ таяғы
Біреуі жоқ қасында
Достар қайда баяғы?
Бір тамшы суға зар болып,
Сауысқан жатыр талықсып.
Көз алдынан өтеді
Өткен өмір сап құрып.
Есепсіз ешкім қалмайды
Бармай-ақ қой әріге
Басыңа келіп тиеді
Қиянат, зорлық, бәріде.
Сауысқан көкке қараса
Қара сұлба көрінді
Сезіп Құзғын бір дәмді
Айналып ұшып жүргенді.
Қарға келіп шоқиды
Сауысқанның қасына
Сауысқан жүрек зырқ етті
Сұмдық ойкелді басына.
Сыбырлады сауысқан
Қыйығын салып көзінің
Әрең-әрең айтқаны
Сыйқы мынау сөзінің.
Арамнан тапқан тағамға
Дәмдес болып жүрдік-ау
Өткен өмір белгілі
Адалға торды құрдық-ау.
Соның бәрін ойласам
Тұзақ екен құрылған
Көмек берер ешкім жоқ
Шырылдайды шыбын жан.
Тілім сыймай барады
Ерінге ерін жабысып
Қарында қалды қабысып
Достым маған су тамыз!
Шөл қысып жатқан жайым бар
Құзғын үнде қатпады
Тіпті ойланып жатпады
Мырс етіп бір күлді де
Мына сөзді саптады.
Бір күн үшін өмірде
Қарқылдап ұшқан жайым бар
Аш-құрсақ қалған өзімді
Тойдырмақ менің ойым бар.
Күдерін үзіп сауысқан
Көзін жұмып барады
Айналаға көз салып,
Ең соңғы рет қарады.
Көкке ұшты қарға да
Біршама уақыт өтіпті
Қауырсын, қанат, жүндерін
Досының шашып кетіпті.
Құдайым мұндай достықтан
Бір өзің бізді сақтайгөр
Зұлымдықты шеттетіп
Ақиқатты жақтайкөр.
Иа жамағат, жамағат
Көп болсын мейлі аз болсын
Көңілде болсын қанағат
Жүрейік сау да саламат
Тыңдаған жанға ұлағат
Шынайы достық аманат.
Ғани Арыстан
Был онлайн ВКонтакте: 19 января 2022 в 10:54
Заходил: с android устройства
ВКонтакте сейчас: offline
ID анкеты: vk.com/id270418376
Разместить запись на стене: нельзя
Комментировать записи на стене: можно
Отправить личное сообщение: можно
Друзей: 139
Подписчиков: 13
Фотоальбомов: 8
Аудиозаписей: 49
Сообществ: 1
Моя семья: vk.com/id249591634
Анкеты моих друзей: 139 чел.
«Политика конфиденциальности и отказа от ответственности»
Страница Ержана Сарбасова сгенерирована автоматически на основании API-ответа от социальной сети ВКонтакте, ответ содержит только открытые данные анкеты vk.com/id270418376, которые не были скрыты настройками приватности.
VKBAZA.COM не собирает и не хранит медиафайлы и текстовые данные людей ВКонтакте на своих серверах.