![Фото]()
Страница (236952981) не существует!
Последняя запись на стене: Олим деманг, китоб ортган эшакни,
Оқимга қўшилиб оқмайди олим.
Эшаклар хуш кўрар, хасни, хашакни,
Хас ва хашакларга боқмайди Олим.
Биз кўрдикку қанча, саройпарастлар,
Мансаб шаробидан яйраган мастлар,
Булар олим эмас, булар нокаслар,
Саройнинг эшигин қоқмайди Олим.
Ҳақ сўз айтган учун қанча дўқ бўлар,
Ёки, ўғирланиб кетиб йўқ бўлар,
Ё бошида золим отган ўқ бўлар,
Чунки, золимларга ёқмайди Олим.
Қанча фатво чиқди, қанча фармонлар,
Оғир синовга дуч бўлди имонлар,
Қанча фидо қилди, бу йўлда жонлар,
Қўрқса ҳам ҳақ йўлдан, қайтмайди Олим.
Ҳақ сўзини айтар у райиятга,
Чунки, амал боғлик бўлар ниятга,
Аллоҳ нозил қилган дин, шариатга,
Ўлса ҳам қарши сўз айтмайди Олим!
"Аҳли суннамиз" деб, урадилар лоф,
Турган битган иши, суннатга хилоф,
Булардек, доимо қилиб ихтилоф,
Залолат домига ботмайди Олим.
Қора халқ кун кўрар, пахтани териб,
Булар юришибди кўкрагин кериб,
Булардек ботилга фатволар бериб,
Динини дунёга сотмайди Олим.
Ёлғон сўз гапириб каззоблик этмас,
Ҳеч қачон хиёнат йўлини тутмас,
Ваъда берса, уни тарк этиб кетмас,
Мунофиқлик йўлин тутмайди Олим.
Хато қилмайдиган одам қайда бор?,
Булар ҳеч адашдик, демади бирор,
Олим ўз айбига бўлади иқрор,
Ўз айбини ўзи, ёпмайди Олим.
Асрлардан ўтиб келган карвон бу,
Буларнинг дин пешволиги ёлғон бу,
Одам эмас, салла кийган шайтон бу,
Итдек ўзгаларни қопмайди Олим.
Қонлар оққан эди, Ўзбекистонда,
Бу каззоблар қолди соғу омонда,
Мўминлар йиғлаган оғир замонда,
Маишатлар қилиб, кулмайди Олим.
Ҳукмронлик қилди неччи йил золим,
Йўқ бўлдилар қанча уламо олим?,
Булар зарар кўрмай қолишди солим.
Тоғутларга хизмат қилмайди Олим.
Буларнинг пешволик даъвоси сохта,
Бизга қилган туҳмат, иғвоси сохта,
Дин номидан берган, фатвоси сохта,
Сохталикни эса, билмайди Олим!
Мутакаббирларнинг жойимас меҳроб,
Олим бўлмас ҳамма, ўқиса китоб,
Доим ўз ўзини, қилиб сарҳисоб,
Нафсини эркига қўймайди Олим.
Ўз нафсини аҳли тақво санамас,
Ўзгани, ўзидан расво санамас,
Булардек ўзини доно санамас,
Илмга ҳеч қачон тўймайди Олим!
Саҳвий сенга Аллоҳ берган инъоми,
Бўлиб қолмадинг шу пайтнинг имоми,
Аслида маълумдир, ҳар кимнинг номи,
Хоин деган номни, олмайди Олим!
.................
Саҳвий
11.10.2018
01 января 1970 в 00:00
«Политика конфиденциальности и отказа от ответственности»
Страница не существует сгенерирована автоматически на основании API-ответа от социальной сети ВКонтакте, ответ содержит только открытые данные анкеты vk.com/id236952981, которые не были скрыты настройками приватности.
VKBAZA.COM не собирает и не хранит медиафайлы и текстовые данные людей ВКонтакте на своих серверах.